Davao City – Gi-awhag karon sa Office of the Civil Defense 11 (OCD-XI) ang publiko nga mangandam na bisan pa man anaa pa sa Tropical Cyclone Warning Signal No. 1 ang Davao Region gumikan sa Bagyong Chedeng.
Sa interbyu kang OCD-XI spokesperson Leslie Francisco sa Serbisyong Straight to the Point, kinahanglan kanunay andam ang emergency bags ingon man ang mga sulod niini sanglit dili matagna kung kanus-a muigo ang bisan unsang katalagman.
Saysay sa maong tigpamaba nga kinahanglan molungtad sa 48-oras ang sulod sa maong water-resistant bag diin pipila niini ang mainum nga tubig, mga pagkaon nga dili na kinahanglan lutuon sama sa de lata o biskwit, flashlights, habol, pipila ka sanina, mga tambal ilabi na sa mga adunay ginamintinar.
Samtang gitino ni Francisco nga wala pay gipatuman nga pre-emptive evacuation gani gipahimangnoan ang publiko nga kanunay magmonitor sa balita.
Ugmang adlawa lauman nga mu-landfall si Bagyong Chedeng sa Pilipinas.
RadyoMaN Jason Amisola
