General Santos City— Nagpahigayon ug ocular inspection ang kapulisan sa Oval Plaza kung asa himuon ang mga dagkong aktibidad sa Tuna Festival.
Gipangunahan ni Police Senior Superintendent Romeo Ruel Berango, OIC City Director sa GenSan City Police Office ang maong inspection uban ang mga opisyal sa Police Regional Office 12 nga silang Police Senior Superintendent Leonardo Suan, Deputy Regional Director for Operation ug Police Senior Superintendent Manuel Lucban, Chief for directorial Satff.
Sumala kang Col. Berango nga ilahang ginasuta ang security installation, ingon man ang mga entrance ug exit point sa oval plaza pati na ang security cameras aron masigurong makatabang panahon nga kinahanglanon.
Gisiguro man usab niini nga mabutang ang tanang mga warning sign palibot sa oval plaza ingon man sa mga activity area, kung asa gibutyag matud pa sa organizer nga andam na ang tanan ug igo nalang nga i-install.
Gipaniguro man usab niya nga higayon nga magsugod na sa hingpit ang tuna festival, wala na’y angayang kabalak-an gumikan in-place na tanan lakip na ang kapulisan, Joint task Force GenSan ug uban pang mga force multipliers aron nga masiguro ang siguridad.
Dugang pa ni Col. Berango nga nagpabilin ang tanang mga bawal nga nauna ng ginapatuman kaniadto sama nalang sa pagdal ug bagpack sulod sa oval plaza.
Samtang, gibutyag niini nga walay unsa mang seryoso nga bahad sa siguridad sa dakbayan.
