Magabutang sang Malasakit Center ang Office of the President sa South Cotabato Provincial Hospital nga paagi suno pa sini makahatag sang maayo, barato kag dekalidad nga healthcare sa mga residente nga pigado sa probinsya.
Sa subong nagapangayo si South Cotabato Governor Reynaldo Tamayo Jr., sang authority sa mga katapo sang Sangguniang Panlalawigan nga maka-enter into memorandum of agreement sa Office of the President nga sa subong yara sa committee level.
May-angot sini, may-yara sang P5 million nga alokasyon kada bulan para sa hospital fees kag iban pa nga expenses para sa pigado nga mga pasyenti.
Ang Malasakit Center ang one-stop shop sa diin nagaopisina ang representative halin sa DOH, Philippine Charity Sweepstakes Office (PCSO), PhilHealth kag Department of Social Welfare and Development (DSWD).
Katuyuan suno pa sini nga mapadasig pa ang paghatag sang financial kag medical assistance sa mga pasyente sang mga nasambit nga talatapan.
