Biktima sang snatching ang isa ka OFW sa Crossing Cabuling, Prk. Paghidait, Barangay New Iloilo, Tantangan, South Cotabato, alas 3:50 sang hapon, kahapon nga adlaw, Hulyo 6, 2021.
Ginkilala ang biktima kay Cherry Letsoncilo y Mitchow, 48 years old kag residente sang Prk. Silangan, Coloocan, Koronadal City.
Base sa imbestigasyon sang Tantangan MPS, nagasakay sa tricycle ang biktima padulong sa Tacurong City kag pag-abot sa nasambit nga lugar duha ka mga lalaki nga suspek sakay sa NMAX single motorcycle, color black, wala sang plate number ang nag-agaw sa bag sang biktima.
May unod nga assorted cards, SSS ID, 2 ka cellphone, wallet nga may unod nga P2, 500.00 ang shoulder bag sang biktima.
Sa subong nagapadayon ang imbestigasyon sang Tantangan MPS sa nasambit nga insidente.
