Sa exclusive interview sa DXDC RMN Davao kang Opel Valdez, taga Nueva Ecija nga nagtrabaho isip caretaker sa Taiwan, iyahang gisaysay nga sa kapin usa ka dekada niya nga pagtrabaho sa maong nasud, karon pa lang siya nakasinati sa maong grabe kakusog nga linog nga mihatud kaniya og tumang kahadlok o trauma ilabi na sa mga aftershock.
“Syempre, parang nawawala yung isip mo. Yung isip parang gusto mo nang umuwi. Kasi sa loob po ng 13 years, hindi ko po naramdaman yung (malakas na lindol). Ngayon ko lang naramdaman. Yun yung naging epekto. Yung isip mo nasa pamilya mo,” emosyunal nga pagsaysay ni Valdez.
Hinuon, luwas ra siya ug iyahang amo, ingon man ang mga OFW nga iyahang kaila sa Taiwan.
Kahinumduman nga niadtong Abril 3, 2024, naigo ang Taiwan og magnitude 7.4 nga linog. Samtang, muabot og kapin 80 pa ka aftershocks ang ilahang nasinatian diin pinakakusog ilahang nabati niadtong Lunes, Abril 22, 2024 nga muabot sa magnitude 6.3 ang gikusgon.
RadyoMaN Kirby Manzon
