Dako ang pasalamat sa pamilya Englatiera sa pagkahibalik sa ilang anak gikan sa Jeddah Saudi Arabia, human kini gi maltrato sa iyang amo sa nasangpit nga nasud.
Sa programang Straight to the point ni SM Ramil Emborong, gipadayag sa amahan niini nga si Wilfredo Englatiera ang iyang dakong pasalamat ning sibyaan, sa pagtabang sa ilang problema kalabot sa ilang anak didto sa nasangpit nga lugar.
Abril karong tuiga, midangop ang inahan ni Maricel Englatiera sa RMN DXIC , aron magpakitabang kalabot sa sitwasyon sa ilang anak.
Gilayong mihimo ug aksyon ang RMN Iligan, pinaagi sa pakig alayon sa OWWA Region 10 aron matabangan ang maong OFW.
Hulyo karong tuiga, dihang naka uli sa Pilipinas ang maong OFW.
Sa pakighinabi ning sibyaan,gisaysay usab ni Maricel Englatiera, ang mga kapait nga nasinati sa kamot sa iyang mga amo.
Nanghinaut ang iyang pamilya, nga hingpit na kining maka uli sa ilang panimalay ang maong OFW.
