PITO KA TENTS SANG PSWDO, HANDA NA PARA SA DISTRICT HOSPITALS NGA NAGAKINAHANGLAN AGUD MA-AKOMODAR ANG MGA PASYENTE NGA MAY DENGUE.

137

Nakahanda na ang mga tents sang Iloilo Provincial Social Welfare and Development Office ukon PSWDO agud ibutang sa mga District Hospitals nga nagakinahanglan sini.

Ginpahayag ni Hospital Management Office ukon HMO head Cynthia Cabangal Ng nga may yara sang pito ka tents ang PSWDO pananglitan kinahanglan sang mga ospital para sa pag-akomodar sang mga pasyente nga may dengue.


Ang nasambit nga tents ang gindonar sa PSWDO sang UNICEF.

Una na nga naghingyo si Governor Arthur Defensor Jr. sa Philippine Red Cross nga magpahulam sang mga tents para sa nagadamo nga mga pasyente sang dengue sa probinsya sang Iloilo.

Angut sini, naghiwat na sang pag-inspeksyon ang PRC sa Jesus Colmenares District Hospital sa banwa sang Balasan nga may yara lamang sang 25 nga bed capacity kag Sara District Hospital nga 50 bed capacity agud lantawon ang sitwasyon sang mga pasyente lakip na ang paghibalo kon diin nila ipahamtang ang mga tents.

Facebook Comments

From Advertisers