Report ni: Tita Jen Palomo Debaja
Daw yara lang sa madalum nga katulugon ang 67 anyos nga OFW sa Riyadh, Saudi Arabia sang nasapwan ini nga wala na sang kabuhi sa sulod sang taxi nga magadala sa iya sa ospital sang Sabado Nobyembre 17, 2018.
Ginkilala ang OFW kay FAUSTO ABRIO ANOSA may asawa kag kabataan sang Cagayan De Oro.
Sa nakit-an nga papeles sa wallet sang napatay, nahibaluan nga isa ini ka heavy equipment driver sa Al Nafahat Constructing Company.
Nangin rental car driver man ini sang naghalin sa Al Nafahat apang may ginabatyag na sa lawas sa kadugayon sa Saudi kag sa handum nga makapauli sa pamilya, nangayo ini sang bulig sa embahada sang nagpamalibad ang kumpanya nga mag isyu sang iya exit visa.
Suno pa sa papeles, naka utang sang Saudi Riyal nga nagabalor 4,800 sa Anwar Faiz Foundation Rent A Car ang OFW rason nga indi paghatagan sang release unless mabayaran sini ang kumpanya.
Paagi sa gin post nga panawagan sang isa man ka OFW sa Riyadh, nakalab-ot na sa pamilya sang napatay ang balita kag naga pakig angot na sila sa gobyerno para sa repatriation sang bangkay sang ila himata.
