Yara na sa 28 ka mga OFW`s nga halin sa Kuwait ang nakapauli na dire sa rehiyon dose matapos nga nag-avail sang amnestiya base sa datos sang Overseas Workers Welfare Administration ukon OWWA 12.
Ang nasambit nga mga OFW`s suno kay OIC OWWA Regional Director Marlyn Jamero ang nagpalapit naman sa ila nga opisina kag nahatagan na sang inisyal nga P5, 000.00 nga ayuda matapos nga lunsay active member man ang mga ini sang ahensya.
Magluwas sini suno kay Maam Jamero makabaton pa sang P20, 000.00 ang mga OFW`s sa idalom sang Balik Pinas, Balik Hanap Buhay Program sang gobyerno sa diin kinahanglan pa nga magpaidalom sang mga ini sa isa ka adlaw nga training.
Facebook Comments
