OFWs dapat ipaidalum sa rapid kag pcr test antes papuli-on

Nagpananugyan ang medical director sang Corazon Locsin Montelibano Memorial Regional Hospital kag focal person sang Department of Health (DOH) Negros Occidental nga dapat ipaidalom sa rapid anti-body kag RT-PCR test ang tanan nga Overseas Filipino Workers (OFWs) antis sila papulion gikan sa mandatory 14-day quarantine.

Ini ang panugyan ni Dr. Julius Drilon, ilabi na sa mga OFWs nga na-stranded sa Cebu kag Manila.Ini ang kasunod sang insidente nga may mga OFWs nga nagpauli sa Bacolod kag Negros Occidental nga nagpositibo sa rapid anti-body test kag mismo sa COVID-19.

Suno sa doktor, ini lang ang paagi agud masiguro nga indi makapanglaton sang virus ang mga OFW’s sa ila pamilya kun magpauli na.


Madumduman nga duha sa 35 ka OFWs nga ginpapauli sang provincial government sang Abril 14 gikan sa Cebu ang nagpositibo sa COVID-19, kag apat man sa 28 OFWs nga nag-abot sa Bacolod sang Abril 24, ang nagpositibo man sa rapid anti-body test.

[image: image.png]

Facebook Comments