Roxas City, Capiz- Ginplastar ni OIC Provincial Director Col Julio Gustilo Jr ang security plan sang kapulisan sa Capiz angut sa natalana nga pag-umpisa sang Simbang Gabi sa maabot nga Disyembre 16.
Ginpahayag sini nga lauman nga may yara sang deployment sang PNP Personnel sa tanan nga mga simbahan kun sa diin may yara sang ginapatigayon nga misa sa tiun sang kaagahon.
Kadungan sini, may igapahamtang man nga police assistance desk nga sarang pangayuan sang bulig sang publiko.
Iya man nga ginpanugyan sa tanan nga dapat mangin alerto kag siguraduhon nga secure ang ila mga propidad antes nga maglakat padulong sa mga simbahan.
Ginpasiguro man ni Gustilo nga naka-alerto ang kapulisan sa bilog nga probinsya sa tiun sang Paskua kag Bag-ong Tuig.
Facebook Comments
