Human narekober ang dakong kantidad sa illegal nga droga sulod sa pasilidad Koronadal City, mas gipalig-on pa sa pamunuan sa South Cotabato Rehabilitation and Detention Center ang gipatuman nga inspeksyon ug pagbantay sa perimeter fence sa maong pasilidad human nga narecover ang P130k nga kantidad sa shabu niadtong nakalabayng semana.
Kini subay na usab sa pahayag ni OIC Warden Felicito Gumapac. Gumikan niini gibutyag ni OIC Warden Gumapac nga gimanduan na niya ang mga gwardya nga mas palig-unon pa ang pagbantay hilabina kung makaduda ang mga motorsiklo nga nagahunong gawas sa provincial jail, human gilabay matud pa gikan sa gawas ang narekober nga upat ka mga dagkong sachet sa sachet sa shabu nga nagkantidad ug P130, 000.00.
Nagtuo usab ang opisyal nga adunay kontak ang pipila ka mga inmates sa Provincial Jail kansa misuway ug palusot sa illegal drugs sa maong pasilidad. Gikumpirma usab niya nga wala silay ebidensya nga nakuha kung kang kinsa ang mga narekober nga shabu apan nagpadayon ang ilang imbestigasyon sa nakaplagang illegal drugs sa Rehabilitation and Detention Center.
