Mas ginpabakod niya sa subong ang ginapatuman nga inspeksyon kag pagbantay sa perimeter fence sang South Cotabato Rehabilitation and Detention Center matapos sang pagkarekober sang P130k nga kantidad sang shabu kahapon sang aga, suno kay OIC Warden Felicito Gumapac.
Samtang ginpaalerto niya man suno kay OIC Warden Gumapac ang mga gwardya ilabi na kon may makaduluda nga motorsiklo nga magpondo sa gwa sang provincial jail, matapos nga ginhaboy suno sa iya halin sa gwa ang narekober NGA apat ka dalagku nga sachet sang shabu kahapon nga adlaw.
Nagapati man si OIC Warden Gumapac nga may-yara pa sang kontak sa gwa ang pipila ka mga inmates sang Provincial Jail amo nga may ginpasulod nga druga sa pasilidad.
Ginkumpirmar niya man nga wala sila sang ebidensya nga nakuha kon para kay sin-o ang narekober nga shabu kahapon nga adlaw.
Apang nagapadayon ang ila nga imbestigasyon sa panibag-o nga pagpasulod sang illegal drugs sa Rehabilitation and Detention Center.
