Nagalab-ot sa P130,000.00 nga kantidad sang shabu ang narekober sa compound sang South Cotabato Rehablitation and Detention Center , alas 9:45 kahapon sang aga, Disyembre18, 2020.
Sa imbestigasyon sang nagrespondir nga elemento sang Koronadal CPS CPDEU, PPDEU South Cotabato kag PDEA 12, samtang nagapatigayon sang routinary inspection si PG1 Arnel Delfin sa perimeter sang nasambit nga detention center, partikular na sa right wing sang pasilidad, nakita sang prison guard ang itom nga cellophane nga nakamasking tape kag may nakakabit nga bato.
Samtang sang ginbuksan nakit-an sa sulod sang cellophane ang 4 ka large heat sealed plastic sachets kag 1 ka rectangular heat sealed sachet nga may unod nga suspected shabu , may kabug-aton nga more or less 21 grams kag nagakantidad sa P130, 000.00.
Narekober man ang 3 ka panid sang aluminum foil strip kag apat ka open transparent plastic sachet.
Ang nasambit naman nga illegal drugs ang yara sa kustodiya sang PDEA 12 para sa safekeeping .
Nagpatigayon naman sang imbestigasyon ang Koronadal CPS sa posible pagkilala sa mga suspek agud mapasakaan sang nagakaigo nga kaso.
