Oil price adjustments, angay i-monitor

29

Davao City – Angay sumala pang bantayan sa kagamhanan ang ginapatumang oil price adjustments o ang pagtaas ug pag-ubos sa presyo sa mga produktong petrolyo.

Sa interbyu sa DXDC RMN Davao kang Maning Duran, presidente sa Southeastern Mindanao Diversified Drivers Operators Cooperative (SEMDDOC), gisaysay niini nga angay i-monitor sa gobyerno ang ginapatumang adjustment sa presyo sa petrolyo labi na ang presyo sa gasolina.


“Unta bantayan sa gobyerno ang pag sige’g pagtaas sa gasolina ug pagbaba sa atong gasolina. Dapat tama nga presyo. Dili nang tama tama lang,” saysay ni Duran.

Segun ni Duran nga angay magbaton og igong rason ang mga paglihok sa presyo sa petrolyo tungod kay dako kini’g epekto ngadto sa publiko.

“Dapat masuta kung angayan ba kay basin og tungod ra na sa oil regulation law mao nang gipahimuslan pud sa atong mga kumpanya sa lana. Dapat dili na mahitabo kay magsakrispisyo ni-ana ang atong mga riding public, mga katawhan,” saysay ni Duran.

Nasayran nga sagad human sa pipila ka mga price rollback, gilayon usab nga magbaton og price increase sa mga produkto sa petrolyo.

RadyoMaN Kirby Manzon

Facebook Comments

From Advertisers