Davao City – Gikalipay sa mga motorista ang pagpatuman og rollback kun pagkunhod sa presyo sa produktong petroylo sugod karong adlawa, Nobyembre 6, 2018.
Subay sa price gas watch update, anaa sa 60 to 70 centavos ang gibaba sa kerosene per liter samtang piso ngadto sa 1.10 pesos ang gibaba sa diesel ug gasoline per liter.
Matud sa mga drivers, dako na og tabang ang rollback sa budget nila sa pangpagasolina ilabi na nga sunod-sunod ang pagpasaka og presyo sa mga petrolyo sa miaging mga bulan.
Kini ang unang higayon nga dunay rollback sa produktong petrolyo karong bulana diin kahinumduman nga sa miaging bulan, 3 ka higayon nga gipatuman ang rollback sa presyo sa mga lana.
RadyoMaN Renz Barbarona
Facebook Comments
