i Balita
July 05, 2020
(Photo from web)
OIL SHEEN HALIN SA NAGLUPOK NGA POWER BARGE SANG NAPOCOR NAKALAB-OT NA SA MGA KABALAYAN SA BO.OBRERO-LOBOC- MANSAYA BRIDGE
Posible nag-awas kagab-i ang oil sheen sa spill boom nga ginbutang sang Philippine Coast Guard sa palibot sang power barge sang NAPOCOR sa Bo. Obero, Lapuz, Iloilo City matapos naglupok kahapon sang hapon kag nabuslot ang tanke nga may kapasidad nga 300,000 liters sang bunker fuel.
Suno sa mga residente, dalagku ang balud kagab-i sang nag-high tide kabangdanan nag-awas ang oil sheen.
Una na ginpahayag ni PCG Iloilo Station Commander Joe Luviz Mercurio nga ginabanta 42,000 liters sang bunker fuel ang nagtagas halin sa power barge.
Ginpahayag man ni Fire Sr. Supt. Jerry Candido, Bureau of Fire Protection 6, acting- Regional Director nga may naga-welding sa hull sang power barge antes naglupok apang ang ini nga altibidad ang wala sang permit halin sa BFP nga ginamandu sang Fire Code sang Pilipinas.
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
