Kumpirmado karon ni Defense Secretary Delfin Lorenzana ang kamatayon nila ni ISIS Emir Isnilon Hapilon ug Omar Maute resulta sa clearing operations nga gilusad sa mga awtoridad sa gyera sa Marawi.
Atol sa regular news briefing sa palasyo sa Malacanang, gibutyag usab ni Lorenzana nga adunay ipahigayon nga DNA test sa duha ka mga neutralisadong terorista.
Sigun ni Lorenzana, posibleng aduna kiniy implikasyon sa mas sayo nga pagpa-undang sa gubat kun hostilities sa Marawi ingon man ang malagmit nga mas sayo nag pag-lift usab nga Martial Law sa Mindanao.
Hinoon, padayong gipasidan-an ang katawhan nga pabiling magmabinantayon sa posibleng resbak or panimalos sa teroristang pundok dinhi sa Davao ug uban pang parte sa Mindanao.
Atol sa ‘final assault’ kaganina sa buntag, na-rescue usab ang 17 ka mga hostages nga gibihag sa Maute sulod sa lima ka bulan.
Sa pagkakaron, adunay pay more or less 20 ka mga bihag nga sulayan pagsalbar sa operating troops.
Si Isnilon adunay 5M dollars nga patong sa ulo, buhi man o patay.
Padayon pang gipangita sa mga awtoridad ang lain pang mga Maute leaders sama sa usa ka giilang ‘Doctor Abu.’
RadyoMan June Duterte
