Davao City – “As far as I can remember, that was the very first time that I cried so hard. During that morning the Lord really intervened and powerfully came upon into my life. Nihilak ko that time, first time ko nihilak for years nga dili na ko ka-remember kanus-a ko nihilak sa kagahi sa akong heart.” – Ptr. Roy Oliveros, Destiny Church Davao
Buot ba nimong magbag-o? Unsa nga kabag-ohan ang imong gusto? Unsa ang ‘turning point’ nga nakapabag-o sa imong panghuna-huna, kasing-kasing o sa imong tibuok kinabuhi?
Gibutyag ni Pastor Roy Oliveros sa Destiny Church Davao nga dili lamang usa ka pamaagi kun unsaon nga mabag-o ang imong kinabuhi, kundili daghang pamaagi ang Ginoo, ang kabag-ohan nga dili tungod sa imong kaugalingong pagpaningkamot kundili kabag-ohan gikan sa atong Labaw’ng Makagagahum.
“I was a businessman, until now. By profession, I’m a wedding photographer. Ang so since when you are a photographer, expose gyud kaayo ka sa worldly nga mga things. I grew up also in an atmosphere nga grabe ka worldly gyud. I don’t have any concern about morale values kay nagdako ko nga wala pud koy kahadlok sa Ginoo kay I was already confused.. kay ang akong family, from Catholic nag Islam. And so, dili na kaayo mag matter sa akoa about spirituality. And so, my life.. well in the sense sa worldly perspective, I’m successful. I’m known and famous after photography but deep inside very empty and fearful.”
Ang abri nga kasing-kasing, sa oportunidad nga mapasabot ug matubag ang pangutana sa kinabuhi maoy nahimong pamaagi diin na-encounter kun nahimamat ni Ptr. Oliveros ang Ginoo sa personal ug pinasahi nga pamaagi.
“Naka join ko’g small group and akong partner that time, ang akong girlfriend, siya ang seeking gyud kaayo, desperate kaayo sa unsay gusto ni Lord kay gusto siya mo-serve. So when we were both invited sa small group so mao to nga sa first attend namo, natubang among mga questions. After four months of joining small groups, we were invited to join the retreat and then didto sa retreat ang akoang encounter gyud sa Lord. I experienced God in a very personal way.”
Sa pagkakaron, walo ka tuig na isip Senior Pastor si Pastor Roy Oliveros sa ilang simbahan diin aduna usab silay organisasyon nga gilangkuban sa mga young professionals nga aktibong nagasuporta usab sa mga aktibidad sa kagamhanan ug pagdasig sa kabatan-onan diha sa pag-alagad sa Ginoo.
Alang sa tanan, labi na sa kabatan-onan, nanginahanglan lamang og vision kun saktong panglantaw kung unsa ang buot mahitabo sa Ginoo sa atong kinabuhi alang sa Iyang kahimayaan.
“Every young people nga na-open ang eyes, nga nagkaroon og understanding about purpose and original intent of God for their lives, these people cannot be stopped. These people have become so radical. Nganong radical man sila? Kay naa silay nakita, naa silay ginapaglaban. So, every young people needs to see a vision and every leader in our society, kita na mga adults mao nang dapat natong part to play, to look at them like Jesus!”
Kini nagpamatuod lamang nga ang tinuod nga kabag-ohan o ang Spiritual Renewal nagsumikad dili sa atong kaugalingon nga kusog kon paningkamot kun ‘self-efforts’ kundili ang pagtugyan kun pag-surrender sa atong tibuok kinabuhi diha sa atong buhi nga Diyos!
RadyoMaN Kirby Manzon
