Ginpasiguro ni PRO-6 Spokesperson Supt. Joem Malong nga on top of the situation ang Police Regional Office 6 kabangdanan wala sang dapat kabalak-an ang publiko.
ginhimo ni Malong ang pahayag kasunod sang nmaghalagaw nga peke nga balita nga may presensya sang ISIS sa Iloilo nga nagatuyo magsabwag sang kalakasan.
Liwat gin-athag ni Malong nga wala sang kamatuoran kag fake news ang nagalapta nga impormasyon sa social media kag sa text nga yari na sa iloilo ang mga miyembro sang ISIS agud magsabwag sang terorismo.
Apisar sini, ginpahayag ni Malong nga dapat sa gihapon nga mangin alerto ang publiko kag magkooperar sa mga pulis pinaagi sa pagreport kon may makita nga mga suspetsoso nga mga tawo sa palibot.
Gindugang pa ni Malong nga i-report man gilayon sa mga otoridad kon may makita nga mga makaduluda nga mga bagay agud gilayon nga ma-tsekyar.
