Davao City – Gikatakdang maglusad og Oplan Baklas ang Commission on Election (COMELEC) sa pagsugod sa election period alang sa 2019 Midterm Election.
Sa pakighinabi sa DXDC RMN Davao kang Nelita Gestosani, Officer sa COMELEC-XI, gibutyag niini nga anaa sa Marso 29, 2019 hangtud sa Mayo 11, 2019 ilang himuon ang pagtanggal sa mga posters o mga tarpaulins nga gipapilit o gipangbitay sa mga pampublikong lugar sama sa mga eskwelahan, flyovers, tulay, poste ug uban pa.
Gibutyag ni Gestosani nga mamahimo usab nilang tanggalon ang mga posters nga anaa sa private places kung mo-sobra kini sa standard size.
Sigun sa COMELEC officer nga naghatag mismo og kopya ang buhatan sa mga kandidato rason nga sayud na sila sa patakaran labot sa designated places ingon man guidelines labot sa pagpapilit sa ilang mga posters.
Dugang pa sa opisyal nga ilang i-request ang PNP ingon man ang Department of Public Works and Highways (DPWH) atol sa pagpahigyon sa oplan baklas.
RadyoMaN Kirby Manzon
