Kapin dos mil ka mga driver nga wala pa naka-seminar ug wala pa nakakuha sa
ilang mga PUV license IDs ang mitambong sa “One Last Round” seminar.
Una nang giingon ni City Transport and Traffic Management Office (CTTMO)
Center Coordinator Charlotte Parba dul-an libo ka mga driver ang mi-request
kanila ug mihangyo og konsiderasyon nga makahigayon pa sila og salmot sa
seminar.
Gihimo ang maong seminar gahapon sa buntag kutob hapon sa Davao City
Recreational Center.
Gipahimangnoan ang mga driver sa traffic rules and regulations ilabi na sa
seguridad sa ilang mga pasahero.
Paningkamutan sumala pa sa CTTMO nga ma-release sa ulahing semana sa Marso
o unang semana sa Abril ang ubang PUV IDs diin karong umaabot nga Abril 1
na ipatuman ang pagpanakop sa mga drivers nga wala nakakuha sa maong IDs.
