Davao City – Laumang matapos karong tuiga ang padayong ginapatukod nga gambalay karon sa Lingap Para sa Mahirap ug Malasakit Center sulod sa Southern Philippines Medical Center (SPMC).
Sumala ni Josephine Mitaran sa SPMC, tumong niini nga mapadali ug mamahimong convenient ang pagtabang ngadto sa mga nanginahanglan ilabi na sa pag adto sa mga nagkadaiyang opisina.
“Ginahuman nalang ang elevator so hopefully this year ma open na nato ang building para mas mapadali ug covenient ang atong pagtabang,”
Sulod sa upat ka andana nga gambalay ang mga opisina sa Lingap para sa Mahirap, Malasakit Center sa Office of the President, PhilHealth, PCSO, DSWD, ingon man ang Botika ng Bayan.
Matud ni Mitaran nga mabalhin na ang mga tellers sa SPMC sa bag-ong establisemento.
Sa sukod nga 300 square meters gigahinan kini og P25M nga pondo gikan sa mismo sa Office of the President.
RadyoMaN Jason Amisola
