Davao City – Mamahimo na unyang sayon alang sa Davaoeños ang pag-access sa mga impormasyon labot sa Coronavirus Disease 2019 (COVID-19) ug uban pang COVID-19-related information.
Ilusad sa lokal nga gobyerno ang usa ka website nga magsilbing one-stop-shop eksklusibo alang sa COVID-19-related information lakip na ang vaccination registration ug vaccination certificates.
Matud ni Dr. Michelle Schlosser, COVID-19 Task Force Spokesperson (sa interbyu sa city-owned radio), nga available usab sa website ang guidelines nga ginapagula sa COVID-19 Inter-Agency Task Force for the Management of Emerging Infectious Diseases (IATF-EID).
Dugang ni Schlosser nga dako og tabang ang COVID-19 website aron mahatagan og katin-awan ang publiko sa mga rules and regulation nga gipatuman sa gobyerno labi na ang padayong response batok COVID-19.
Una na na nga gibutyag ni Davao City Mayor Sara Duterte-Carpio nga makita usab sa website ang mga lakang usab sa lokal nga gobyerno batok sa COVID-19 nga dali lamang makita sa Davaoeños o sa publiko.
RadyoMaN Kirby Manzon
