‘One Strike, No Take’ policy dakung hagit

Davao City – Dugay ug dakung problema gihapon hangtud karon ang iligal nga sugal kini tungod sa pagnunot sa kadaghanan hatud sa pamasin nga basin makadaug ug makasapi sila sa sayon nga pamaagi.

Mao nga bisan og grabe ang operasyon sa kapulisan batok sugal, daghan gihapon ang nagtago-tago ug padayon mikupot sa sugal tungod sa ilang pagtoo nga wala na silay laing kadaganan pa aron maka-sapi.

Matud ni DILG Regional Director Alex Roldan, nakasabot siya kang PRO-XI Director Police Brigadier General Filmore Escobal sa mando niini nga ultimatum ug ang mga hepe sa mga istasyonan sa kapulisan nga mapakyas og sulbad sa illegal gambling sulod sa ilang AORs tangtangon sa katungdanan.


Alang ni Roldan, dili puwedeng kwestiyonon ang diriktiba ni Escobal sanglit mas nasayod man ang opisyal sa angay buhaton sa pagtuldok sa iligal nga sugal dinhi sa atong rehiyon.

Usa sa nakita ni Roldan nga hinungdan nganong nganong wala pa gihapon hingpit mapaslak sa presohan ang mga gambling lords and operators gumikan kay adunay sipyat sa sistema nga gi-tahak ang kapulisan sa kampanya kontra illegal gambling.

Dili motoo ang opisyal nga may mga pulis nahimong protektor kun nalambigit sa iligal nga sugal gawas lamang kun adunay magsuporta og bug-at nga mga ebidensiya nga magduot sa mga awtoridad.

Dugang niini nga walay garantiya ang pagpabut-at sa silot batok sa mga hepe nga mapalpak sa ilang giyera kontra illegal gambling apan kritikal ang istrikto nga pagpatuman sa mga balaud ug hugot nga o perasyon ug pagpanakop sa mga sugarol.

RadyoMaN Joel Viray

Facebook Comments