Nagpahimangno ang PNP 10 Anti-cybercrime Group sa publiko batok sa online cyber libel.
Sa interview sa RMN Malaybalay ngadto kang PMSGT Dexter Montejo, sa PNP 10 Regional Anti-cybercrime group gibutyag niini nga kadaghanan sa mga kasong ilang gihuptan karon adunay kalambigitan sa cyber libel.
Tungod niini nagpahimangno si Montejo sa publiko nga mahimong responsableng social media user ug hunahunaon daan ang kung dili ba kini makadaut sa isig katawo sa dili pa kini e-post sa social media.
Gidugang sa PNP ACG nga daghang reklamente usab ang naggagikan dinhi sa probinsya sa Bukidnon nga ilang gihuptan karon.
Gawas online cyber libel, adunay mga kaso usab ang ilang gihuptan nga adunay kalambigitan sa online scam, ug RA 9995 o kalabot sa malaw-ay nga mga hulagway.
