Sa interview sa RMN Malaybalay ngadto kang Juntel Tayong Guc-ong, LTO Chief diri sa siyudad, gibutyag niya nga mamahimo lang nga mubisita sa online portal sa LTO nga mao ang portal.lto.gov.ph.
Dugang ni Chief Guc-ong nga tanang transaksyon ngadto sa LTO ilabi na magrenew sa licensya kung asa magkuha og Comprehensive Drivers Education Certificate (CDE) pagabuhaton na sa portal.
Apan giklaro ni Chief Guc-ong nga usa sa rekisitos pagrehistro sa motor vehicle nga muagi sa Private Motor Vehicle Inspection Center (PMVIC) nga maoy wala pa sa Bukidnon.
Gikinahanglan sumala pa sa Cagayan De Oro, Iligan o Gingoog City aron nga mupailawom sa maong inspection center.
Giklaro usab ni Guc-ong nga ang muagi lamang sa PMVIC maoy makarehistro online.
Target matud pa nga pagatukoron ang maong center sa dakbayan sa Valencia apan wala pa masuta kung kanus-a pagasugdan.
Hinoon dugang ni Guc-ong nga aduna nay upat ka mga LTO Centers sa Bukidnon partikular sa siyudad sa Malaybalay ug Valencia, sa mga lungsod sa Maramag ug Kibawe.
Ginalauman usab nga paga-ablihan sa dili madugay ang lain pang opisina sa buhatan sa lungsod sa Manolo Fortich.
