Davao City – Giklaro sa City Government of Davao, ang mamahimong makaparehistro online alang sa vaccination schedule mao lamang kadtong nahilakip sa priority groups.
Matud ni Davao City Mayor Sara Duterte-Carpio (sa interbyu sa city-owned radio), niadtong Sabado (Agosto 7, 2021) gi-launch sa lokal nga gobyerno ang online vaccination appointment scheduler aron makapili sa adlaw ug oras ang magpabakuna.
Gitataw sa alkalde, ang mamahimong makaparehistro niini kadto lamang nalakip sa Priority A1 o (Health Care Workers), Priority A2 (Senior Citizens), Priority A3 (Persons with Comorbidities), Priority A4 (Essential Workers) ug Priority A5 (Poor Population).
“When we say public, live siya para makita sa tanan (ang online registration) but it will only accommodate A1, A2, A3, A4, and A5 because mao pa lang na ang gi-allow sa atoa sa DOH nga bakunahan nga priority groups,” sulti sa mayor.
Mamahimong mo-contact sa DQR Vaccine Helpline alang sa pre-registration gikan Lunes hangtud Biyernes (8AM-5PM) sa Smart: 0919 445 9110 ug Globe: 0927 022 9065.
RadyoMaN Kirby Manzon
