ONLINE SCAM | 20 mil pesos para sa iPhone 7 plus nataban sa isa ka online shopper

ILOILO – Nawasi ang 20 mil pesos sang isa ka lalaki matapos nag order sang
iphone 7 plus online.

Suno kay alyas John , na-engganyo siya nga mag order sang iPhone 7
plus nga iya nakita sa facebook page nga Phone Shop Philippines bangud
brand new kag iya naluyagan ang specifications sang cellphone sa balor nga
20 mil pesos lang.

Ginpahayag ni John nga nagpadala siya sang 20 mil pesos kay
certain Mae Santos nga na-base sa Manila pinaagi sa palawan express.


Apang natingala na lang ini nga wala pa gihapon ginpadala ni Mae
ang iya gin-order nga cellphone apisar nabaton na sang seller ang kwarta.

Naghuna-huna na si John nga nabiktima siya sang scammer matapos
wala na ini nagareply sa chat kag indi na macontact .

Bangud sang natabo, nagreport sa National Bureau of Investigation
ukon NBI si John apang dismayado man ini sa nangin akto sang ahensya.

Mensahe ni John sa mga mahilig mag online shopping, mas maayo ang
cash on delivery, indi gilayon magsalig kag kilalahon gid ang seller sang
produkto.

Photo: screen grab from the page

Facebook Comments