‘Online shopping’ sa mga babae gikaalarma

67

Davao City – Gikasubo sa usa ka organisasyon sa kababainhan ang paglutaw sa online shopping sa mga babae kun ginabaligya nga kababainhan online.

Sa pakighinabi ni RadyoMaN Misel Miral-Galve kang Lory Pabunag, Secretary General of Lawig Bubai atol sa programang Serbisyong Straight to the Point, gibutyag niini nga gikabalak-an nila karon ang pag ‘trending’ sa ginaingong online shopping diin ginabaligya online o pinaagi sa social media ang mga babae.


Dugang saysay ni Pabunag nga base usab sa ilang talaan uban ang Talikala foundation, natala nila ang pinakabatang sex worker nga mao ang 12 anyos samtang 73 anyos ang pinakatigulang gikan sa lain-laing porma sa prostitusyon sama sa masahista, GRO, dancer, online prostitusyon, kabatan-unan nga naga skwela nga engage sa prostitisyon sagad naa sa national high school.

Pagpasabot niini nga nag unang hinungdan og nganong misulod ang kababainhan sa prostistusyon mao ang kapobrehon, gisundan sa rason nga tungod sa pagpangabuso, incest rape, pagpangdagmal, produksyon sa pamilya nga way tarong komunikasyon, recruitment – dunay mga ginailad gikan probinsya nga hatagan og trabaho sa syudad apan pasudlon isip dancer ug GRO.

Busa padayon matud pa sila nga nagalusad og mga aktibidad ug programa nga makapaamgo sa kababainhan nga mubiya sa nasangpit nga trabaho.

Panawagan usab niini ngadto sa gobyerno nga tabangan ang mga biktima pinaagi sa mga programa ug serbisyo sa gobyerno nga makapalayo sa ilaha sa pagsulod og prostitusyon.

“Manawagan pud mi sa mga ahensya kung pwede makatabang rather than i-condemn,” segun ni Pabunag.

Subay niini, dunay ipahigayon nga multi sectoral forum karong October 30, 2019 ug hisgutan unsay buhaton bahin sa kahimtang sa prostitusyon sa syudad.

RadyoMaN Renz Barbarona

Facebook Comments

From Advertisers