Ginatun-an nila sa subong suno kay South Cotabato Provincial Agriculturist Justina Navarete ang pagrollling sang palay support fund sang provincial government agud nga padayon ang pagbakal sang produkto nga palay sang mga mangunguma sa probinsya.
Ini matapos nga sa subong kon maubos na ang P10 million nga palay support fund indi na makapamakal ang BINTIKU nga amo ang gintugyanan sang palay support fund tungod base sa guidelines ibalik sa provincial government ang bugas.
Nahibaluan nga sa masunod nga tuig nagalab-ot sa P20 million ang ginpropose nga pondo para sa palay support fund para ipamakal sang produkto nga palay sang mga mangunguma sa mataas nga presyo.
Ginpahayag ni Navarete nga sa subong ang konsumo pa lang sang mga inmates sa Provincial Jail ang nasuplayan sang bugas sa idalom sang ginapatuman nga palay support fund sang provincial government matapos nga nagalab-ot sa 2,000 bags ang kinahanglan sang talatapan tubtob sa masunod nga bulan.
