Roxas City, Capiz- Pormal na nga maga-bukas ang Capiztahan 2018 subong nga adlaw sang Biernes Abril 13, 2018.
Ini ang sugoran sang Thanksgiving Mass sa Roxas City Cathedral alas 9 sa aga.
Pagasundan sang pagpasaka sang Philippine National Flag, Provincial City kag Municipal Banners, magabukas man ang Capiztahan Agro-Industrial Trade Fair, Food Trip sa Capiz, 3rd Regional Arnis Tournament, Sadsad sa Capiz:Street Dancing Competition(Cluster 1) samtang alas 3 sang hapon may “Parada sang mga Higante”./
Alas singko y medya sang hapon may Grand Opening sang Night Market sa Capiz Provincial Park, Capiztahan Food Festival, XGF Tour with Animation Laser Show kag Fireworks Display sa alas 8:30 sang gab-e sa Villareal Stadium.
Ang Capiztahan 2018 amo ang pagselebrar sang ika-117 ka tuig nga pagtukod sang gobierno-sibil sang Capiz.
Samtang subong man nga adlaw sang Biernes, Special Non-Working Holiday sa bilog nga Capiz kag Roxas City.
Ini ang base sa Executive Order # 008 series of 2018 nga ginpirmahan ni Capiz Governor Tony del Rosario.
Nahibaloan nga base sa Republic Act No. 9217, ang Abril 15 sa kada tuig ang gindeklarar bilang President Manuel A. Roxas Memorial Day.
Apang bangod nga natama sa adlaw sang Domingo, ginamandar sa laye nga ang pinakamalapit nga adlaw sang Biernes sa amo nga petsa amo ang igadeklarar nga Special Non-Working Holiday agod nga mahatagan sang matuod nga kahulogan ang pagkomemorar sang nasambitan nga kahiwatan.
