ILOILO CITY – Hiwaton na ang opening salvo bwas nga adlaw.
Pulo ka tribu ang magapasakop nga ginalakipan sang Tribu Paghidaet sang Lapaz National High School; Tribu Panayanon sang Iloilo City National High School; Tribu Pan-ay sang Fort San Pedro National High School; defending champion Tribu Salognon sang Jaro National High School; Tribu Buntatalanit sang Baranga Lanit and Buntatala; Tribu Dagatnon sang Ramon Avancena National High School; Tribu Ilonganon sang Jalandoni Memorial National High School; Tribu Obreros sang Barrio Obrero National High School; Tribu Amihan sang Mandurriao National High School; kag Tribu Tapaznon sang Tapaz, Capiz.
Bangud sini malauman na ang paggutok sang dalanon bangud saraduhon ang downtown area nga rota sang parade sang mga tribu padulong sa lima ka judging areas.
Magasugod ang opening salvo alas dos sang hapon apang saraduhon ang dalan sugod ala una sang hapon.
Ang tagsa ka tribu may lima ka minutos nga makaperform sa lima ka judging areas nga ginalakipan sang Iloilo Freedom Grandstand, Iloilo Provincial Capitol, Delgado-Mabini, Quezon-Ledesma, kag Ma. Clara kun sa diin may duha ka tribu kada judging area nga magaperform sang dulolongan.
