General Santos City–Gikumperma ni Police Lt. Col Teody Condesa nga dugay nang giplanuhan sa kapulisan gikan sa Sarangani Police Office, Kiamba PNP ug sa 27th Infantry Battalion inabagan sa PDEA-Regional Office 12 ang pagpahigayon ug operasyon sa nabukid nga bahin sa Barangay Nalus Kiamba nga miresulta sa pagkarekober sa kampo sa NPA ug sa marijuana plantation nga Iyaha sa NPA.
Sumala ni Condesa nga usa kadto ka Anti-illegal drug operation diin target ang mga marijuana Plantation nga iyaha sa NPA nga gipangunahan ni Kumander Toto Navarro ug mga kaubanan niini.
Nasayran nga nagkaengkwentro pa ang mga awtoridad ug ang NPA sa lugar nga miluntad ug 15 minutos. Hinuon walay natalang angol sa tropa sa militar ug kapulisan apan wala sila masayod kung may nasamdan o namatay sa grupo sa NPA atol sa maong engkwentro.
Dugang pagbutyag ni Police Lt. Teody Condesa nga daan na silang nakadawat ug impormasyon nga nagapananum ug marijuana ang mga miyembro sa NPA nga nakalihukan sa maong lugar.
Tungod niini gihimo dayon ang operasyon aron pang ibton unta ang maong mga marijuana apan pag abot sa lugar, nakaengkwentro na nuon sa militar ug sa kapulisan ang mga rebelde. Narekober usab sa kampo sa mga nasampit ang mga pusil, bala, mga subersibong dukumento ug flag nga iyaha sa NPA.
Nakaplagan usab nila ang Marijuana Plantation pero napang-ibot na kini sa mga rebelde ayha pa nakaabot ang ilang tropa sa lugar.
