Normal ang operasyon sa tanan nga mga opisina sang city government sang Koronadal bisan nga may-yara sang 17 ka mga empleyado sini ang nagpositibo sa COVID-19 kag may nagpaidalom sa quarantine.Ini ang kumpirmasyon ni Koronadal City Mayor Eliordo Ogena.
Ginpahayag ni Mayor Ogena nga ginapatuman ang skeletal force sa city hall agud padayon ang paghatag sang serbisyo sa katawhan sang syudad.
Pipila naman ka mga empleyado sang lokal nga panggobyerno ang nakawork from home suno sa alkalde agud nga mapatuman ang minimum health protocols kapareho sang social distancing.
Istrikto man suno kay Mayor Ogena ang pagpatuman sang pagsuksok sang facemask/ faceshield, social distancing kag iban pa sa mga magsulod sa city hall.
Apela naman sang alkalde sa mga pumuluyo sang syudad nga sundon gid ang health protocols agud nga mapunggan ang paglapta sang COVID-19.
Samtang umpisa sang Sabado nga adlaw balik na sa trabaho ang alklade matapos ang 14 days quarantine tungod sa pagpositibo sa COVID-19.
