Davao City – Lauman nga mas daghan pang ikasang operasyon ang Davao City Police Office Traffic Group sa mga kadalanan dinhi sa dakbayan sa Davao.
Gibutyag ni DCPO Traffic Group chief Ernesto Castillo ubay-ubay gayod ang mga salawayong draybers ang dili mutuman sa balaod trapiko.
“Ang gagawin natin regular basis na, every week mag co-conduct tayo nga Oplan Lambat Bitag Sasakyan para maturuan at ma-educate natin ang ating mga motorists,” segun ni Castillo.
Sumala ni Castillo dakong tabang sa mga motorista nga ma-edukar sila aron nga makalikay sila sa mga aksidente sa kadalanan ilabina ang sagunson ang mga makumitar nga mga violations.
“Maturuan natin sila kung saan dapat mag-park, bago sila magbyahe kumpleto ang kanilang OR/CR at dapat mayroon silang driver’s license, dapat maturuan natin sila lalo na iyong mga driver na mga abusado,” sumala ni Castillo.
Niadtong Miyerkules mukabat sa kapin 200 ka mga driver’s licenses ang nakumpiska sa gipahigayong Oplan Lambat Bitag Sasakyan.
Base sa datos sa DCPO, 240 ka mga driver’s licenses ang nakumpiska, 55 ka mga citation tickets ug 46 ka mga nagkalain-laing behikulo ang na-impound diin 42 niini single nga mga motorsiklo, 2 ka sidecar, 2 ka four-wheel vehicles tungod sa mga nakumitar nga mga nagkadaiyang traffic violations.
RadyoMaN Aimee Guinita
