General Santos City— Dakong pabor si Gensan City Councilor Atty. Franklin Gacal Jr. chairman sa peace and order sa konseho sa subling pagbalik sa war on drugs sa kapulisan.
Sumala niya nga dili niya masulting naabuso sa kapulisan ang subling pagbalik sa kampanya batok illegal nga droga ug basi sa iyahang nadunggan, misukol sa operating team ang mga target rason nga sila napatay atol sa gihimong operasyon.
Pagpaklaro ni Kagawad Gacal nga higayon nga maunhan ang kapulisn sa ilahang target, natural lang nga sila mubalos aron usab protektahan ang ilahang kaugalingon.
Pamahayag niini nga pasensyahan nalang ang mga target nga musukol gumikan andam ang kapulisan nga mubalos aron dili mabutang alanganin ang ilahang kaugalingon ug mga kaubanan.
Apan, gibutyag niini nga higayon nga adunay ebidensya ang mga kabanay sa mga target nga napatay sa operasyon nga adunay pagpangabuso ang kapulisan, mas maayong sila mupasang-at ug pormal nga reklamo.
