General Santos City–Gikumperma ni Apopong barangay Kagawad Jhun Lacea nga hingpit nang naundang ang treasure hunting sa may Lanton Apopong nga gi-operate sa grupo ni Toto Paulate.
Sumala niini nga giadtuan na sa mga personahe sa CENRO ang maong lugar ug gipaundang ang ilang operasyon.
Gipatawag usab sa Barangay ang operator sa maong treasure hunting aron pangayuan ug pasabot nganong gihimo ang operasyon luyo sa kawad-on ug permit gikan sa Barangay.
Nanawagan si Kagawad Lacea ngadto sa katawhan sa Brangay apopong nga isumbong sa barangay kung may mamatikdang nagpahigayon pa ug illegal treasure hunting sa ilang lugar.
Tumong aron nga gilayon nga maaksyunan sa mga opisyal sa Barangay ugaling man nga duna pay gahimo og mina.
Dili ikalilong matud pa nga pelegroso alang sa mga residenti ang treasure hunting ug labaw sa tanan ginadid-an sa barangay ang pagkalot sa mga residential area alang sa mina.
