Operasyon sang siklob sa banwa sang Ajuy nagapadayun apisar sang pagdeklarar sang BFAR 6 nga Illegal

861

Gin-athag ni League of Municipalities Iloilo Chapter President kag Ajuy Municipal Mayor Jett Rojas nga illegal ang operasyun sang siklob sa municipal water sang Ajuy.

Suno sa alkalde nga may findings na ang Bureau of Fisheries and Aquatic Resources okon BFAR Regional Office 6 nga illegal ang siklob nga isa ka klase sang pagpangisda nga ginagamitan sang active gear nga ginaguyod sa idalum sang dagat.

Ginpahayag ni Jocelyn Navarro Manalo sang Brgy. Culasi, Ajuy, isa sa 40 ka tawo nga nagareklamo batok sa operasyon sang siklub, nagapadayun ang illegal nga pagpangisda tubtob subong apang wala ini ginadakup sang mga kapulisan kag sang Municipal Bantay Dagat.

Sa pihak sini matapos nga nagpahayag ang BFAR 6 nga illegal ang siklob naghinyu naman ang mga operator sini nga i-review ang findings.

Ginareklamo sang grupo ni manalo ang operasyon sang siklob bangud sa amat- amat nga pagka-ubos sang isda sa municipal water sang Ajuy nga amo naman ang ginasaligan nga palangabuhian sang ila pamilya.

Nagalaum ang mga mangingisda nga matapna na ang siklob para nga indi magkalamatay ang mga manggad sa dagat nga apektado sini.

Facebook Comments