General Santos City–Ubay-ubay nga mga campaign material ang nasampolan sa Comelec Gensan nga gibututang sa dili common poster area ang gipangbaklas sa mga personahe sa Comelec atol sa gipahigayon nga Operation Baklas sa nagkandaiyang lugar sa Gensan kagahapong adlawa.
Sumala pa ni Jeljan Panal Comelec Admin Aid ug maoy nanguna sa maong pagpang baklas ug mga poster nga gimanduan matud pa sila ni Gensan Comelec Officer Atty. April Mitchor nga buhaton ang pag pangtangal ug mga poster kada Byernes hangtud sa mahuman ang election.
Dugang pa ni Panal nga Lunes palang mugawas na matud pa ang ilahang team aron nga mag libot sa Gensan aron sa tumong mangita ug mga campaign posters ug tarpaulin nga gipangkabit sa dili common poster area. Ila dayon kining kuhaan ug picture isip ebidensya. Human niini ilang padad-an ug notice ang mga kandidato o party list nga nakalapas niini.
Human sa 3 ka adlaw ilang balikan ang lugar aron sayron kung gitanggal na ang maong mga tarpaulin ug kung anaa gihapon didto na nila kini tanggalon ug gamiton nila kini isip ebidensya sa kasong election offense sa usa ka kandidato.(Dave Silagan)
