Sangko sa langit ang kalipay sa mga residente sa Purok Coca cola Barangay Tubod ning dakbayan sa Iligan human nga makadawat ug tag lima ka kilo nga bugas gikan ning sibyaan pinaagi usab ni City Councilor Bernard “Tete” Pacaña.
22 ka mga pamilya ang nakadawat sa maong bugas diin nagpasalamat usab sila sa RMN ILIGAN ingon man kang Konsehal Pacaña sa tabang nga gihatag ngadto kanila.
Sumala pa sa Purok President nga si Mr. Danny Umpa, nga dako na kaayo kining tabang alang sa mga residente gawas pa sa ubang panginahanglanon sama sa toiletries, banig, habol, mga sinina, ug uban pa.
Nanawagan usab ang mga apektadong residente sa mga kadagkuan sa syudad nga unta matabangan sila nga mapangitaan ug katukoran sa ilang balay sanglit nahurot ka ugdaw ang ilang panimalay ingon man mga kabtangan niini.
(Photos by RadyoMan Vermagz)
