OPERATIONAL NA | 3rd floor sang Roxas Memorial Provincial Hospital, operational na!

190

Roxas City, Capiz- Operational na ang 3rd floor sang Roxas Memorial Provincial Hospital(RMPH).
Ini ang may yara sang 65-bed capacity kun sa diin ginpainan sang 18-milyones pesos nga pondo sang provincial government.
Ginsiling ni Mrs. Lina Desales, ginhalin na sa 3rd floor ang medical ward kag ang ginbakante nga mga hulot sa 2nd floor ang ginbuslan sang Pedia kag mangin ang OB ward.
Samtang ang ground floor sa subong amo na ang ginahamtangan sang mga pasyenti nga na-admit sa surgical ward.
Madumduman nga ang konstruksyon sang 3rd floor nangin prayoridad nga proyekto ni Gov. Tony del Rosario agud masolusyunan ang kagutok sang RMPH bangud sa tuman kadamo nga pasyenti nga ginabulong kada adlaw.
Sa subong nakalinyada na ang pagpahamtang sang elevator sa RMPH.

(c)- Capiz Aksyon News Center photo


<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments