Davao City – Wala na matingala ang usa ka obispo sa usa ka simbahan sa evangelical nga grupo sa akusasyon ni Pres. Rodrigo Duterte nga dunay mga pari ug obispo sa Romano Katoliko nanghilabot sa pagkababaye sa mga madre kay tawo sab sila nga mubati og lawasnon nga panginahanglan.
Dili na bag-o alang ni Bishop Dr. Ariel Coleto ang banat ni Duterte sa mga pari ug mga obispo kay sukad pa kaniadto nabaniog naman ang pangabuso nila sa mga madre bisan og wala pa angkona ni Pope Francis ang niloog nga binuhatan sa mga ginsakpan sa tibuok kalibutan.
Alang ni -Coleto nga ang baguhay nga pagpuna ni Duterte sa simbahang Katoliko kabahin lamang kadto sa tukmang panahon sa paglimpyo sa nasud ug sa simbahang katoliko gikan sa imoral nga buhat sa atubangan sa Dios.
Subay sa doktrina nga celibacy ug kamandoan sa papa sa Vatican ang mga kaparian sa tibuok kalibutan hugot gidid-an nga maminyo ug magbaton og kaugalingong pamilya kay kini maghatag og babag sa ilang gisudlan nga bokasyhon nga mangalagad lamang sa simbahan.
Gani si Apostol Pablo nagpahimangno sa mga taga-Corinto nga kung dili man makapugong sa ulag nga pagbati mas maayo magminyo na lang kay sa makasala sa Dios kay basin mao pa kini unya ang mubira paingon sa kalaglagan sa impiyerno.
Sud sa kapin lima ka siglo nga nagpatigbabaw ang Katoliko sa nasud minunot na gayod ang doktrina sa simbahang katoliko ngadto sa mga Pilipino busa dili makatarog ug walay epekto makaapekto ang pagtoo sa mga Pilipino sa namat-an nilang relihiyon, subay sa analisayon ni Coleto.
Hinoon , nagtoo si Coleto nga kun padayon baluton og isyu nga sexual abuse ang mga pari ug ang mga Obispo ngadto sa mga madre nan dunay dakong posibilidad nga pag-abot sa panahon mahugno ra ang simbahang katoliko sa Pilipinas ug sa tibuok kalibutan.
RadyoMaN Joel Viray
