Opinyon: Couples ‘forever’ tuohan

16

Davao City – Yes, adunay ‘forever’: Kini ang pamahayag sa usa ka pastor kinsa mo-gradwar na sa kursong Master of Arts in Family Ministry nga iyang gikuha sa Alliance Graduate School ug mo-gradwar karong bulan sa April.

Matud ni Pastor Mcronald De Pedro, CAMACOP Minister, ang ‘forever’ gidisenyo sa Ginoo aron ang mag-asawa mag-uban gayod hangtud sa katapusan sa ilang pagkinabuhi sa kalibutan.


Apan ang ‘forever’ gitagana lamang sa managtiayon ug dili sa manag-uyab gawas kun mupahiluna na sila diha sa altar sa kaminyoon diin ila nang masinati ang pag-unong sa matag usa hangtud sa ilang kamatayon.

Matud ni de Pedro, ang ‘forever’ maoy pundasyon sa lig-on nga relasyon diin sa kaminyoon, sentro ang pagminahalay nga nakagamot diha sa Diyos ug unya, walay problemang moguba sa ilang ‘forever’ nga pagkuyog aning kalibutana.

Ang ‘forever’ layo mahitabo sa mag-uyab sanglit ang direksiyon sa ilang pagbati naga-usab usab ug walay permanente hilabi na kun makakita og laing binuhat, paspas makalukso ug makabalhin sa laing kasingkasing.

Busa, kun buot gayod sa tanan nga maangkon ang ‘forever,’ gikinahanglangh hangupon una ug paharion ang gugma nga iya sa Diyos aron sa ingon, mamahimong putli ang pagmahal sa matag usa, dugang ni De Pedro.

RadyoMan Joel Viray

Facebook Comments