‘Wall of Peace,’ Indignation Rally gilusad

36

Davao City – Gatusan ka mga indibidwal dinhi sa Davao City nitunol ug nipakita’g suporta sa direktiba ni Pres. Rodrigo Duterte aron pagpakgang sa local communist insurgency.

Kagahapong adlawa, gipahigayon sa Davao City Police Office (DCPO) ang unveiling kun pagbukas sa ‘Wall of Peace’ ug paglusad sa usaka ‘Indignation Rally.’


Segun ni Bagobo Tagabawa Tribal Leader Docris Ondoy, hugot siyang nisuporta ning maong aktibidad tungod ug alang sa kalinaw ug kalamboan sa ilang lugar sa Toril District batok sa presensiya sa New People’s Army (NPA).

Gisaysay ni Ondoy nga usa gayod siya sa nangusog aron sa paghatag og proteksyon sa ilang ancestral domain kun yutang kabilin uban ang tropa sa gobyerno human gipatay sa rebeldeng hut-ong ang duha niya ka mga igsoon.

Samtang gitataw ni Police Regional Office (PRO-XI) Director Brigadier General Filmore Escobal nga ang ‘Wall of Peace’ usaka pamaagi alang sa pagdasig sa katawhan ilabi na sa mga Indigeneous Peoples (IPs) kun mga lumad nga dili magpadani sa mga himuong pagpang-agni sa mga CPP-NPA-NDFP.

RadyoMaN Aimee Guinita

Facebook Comments