Davao City – Nagtoo si Barangay Kagawad Randy Ponteras sa Barangay 76-A nga usaka dakung hagit kining experimental distance learning sa atong nasud sugod karong October 5.
Matud ni Ponteras, ang kanunay’ng pagsibog sa klase ug kalangay pag-deliver sa teaching modules usa niadtong angayang tutukan sa education higherups sanglit nagkaanam na baya kaduol ang new school opening date.
Hagit ni Ponteras nga likayan lamang usa ang pagbatikos sa maong learning scheme and modality ug nga hatagan lamang usa kini ug igong panahon nga mapatuman aron makita ang possible lapses kun kakulangon niini ilabi na ang mga possible areas for improvement.
Dugang ni Ponteras nga mas maayo nga ang basihan sa paghatag og grado mao ang output nga i-sumite sa mga tinun-an ubos sa bag-ong sistema sa pag-eskwela hulip sa naandang periodical exams panahon sa face-to-face learning.
“Sa akong tan-aw niini bilang professor, maora’g new environment gyod ni para sa atong mga learners…Pati mga magtutudlo nabag-ohan pod…Para kanako, klaro nga experimental ni…Whether ma-successful or ma-failure ni, wala pa ‘ta mahibawo…Dili ‘sa nato (kini) sawayon…Ako makaingon nga dapat bag-o gyud ang atong pamaagi (sa pag-adopt sa distance learning),” panapos ni Ponteras.
RadyoMaN Joel Viray
