DepEd: Blended learning challenging

35

Davao City – Gitinguha gayud sa Department of Education (DepEd-XI) nga makakat-on ang tanang mga estudyante niining subling pagbukas sa klase nga dili na face-to-face mode tungod sa COVID-19 pandemic threat karong panahona.


Sumala ni Jenielito Atillo, DepEd-XI Spokesperson, ang blended learning scheme dugay na kini nga sistema sa edukasyon apan karon lamang gyud nahatagan og higayon nga ma-implimentar tungod lagi sa coronavirus disease.

Matud ni Atillo, ang pag-utilize sa learning modules ug radio-based instructions dugay na usab kini nga ginahimo sa education department sama pananaglitan sa mas nailhan na karon nga Alternative Learning Scheme (ALS).

Tungod ning ‘new normal’ learning modality, nagtoo si Atillo nga mahagit gayud karon ang mga magtutudlo sa paghimo sa tanang medyos aron hingpit ma-edukar ang ilang tagsa-tagsa ka mga estudyante bisan kon dili aktwal ug pisikal nga magtagbo diha sa traditional classroom setting.

“Ang Departamento sa Edukasyon sa Pilipinas (DepEd) hugot ug daku ang paglaum nga makat-on ang atong mga kabataan pinaagi aning nagkadaiyang learning modalities nga atong (ipatuman) pinaagi sab sa kahibalo, eksperyensya, kapasidad ug kapabilidad sa atoang mga magtutudlo, ” segun sa tigpamaba.

RadyoMaN Bernard Pantallon

Facebook Comments