Davao City – Walay nakitang dautan ang Coalition Sentro ng mga Nagkakaisa at Progresibong Manggagawa sa kamanduan karon ni Pres. Rodrigo Duterte nga random drug testing sa mga trabahante sa mga kumpanya.
Matud ni Sentro Focal Person Joel Banas, akseptado nila ang random drug test gani ang mga union sa mga kumpanya nga ilawom sa ilang pandong naga-partisipar sa matag drug testing sa mga mamumuo.
Segun ni Banas, ang random drug testing makatabang kini nga mahimong drug-free ang mga kumpanya ug maseguro nga walay mga trabahante nga nalambigit sa paggamit ug pagpayuhot sa iligal nga droga.
Wala’y pagkontra si Banas sa sugyot nga himoon nga kabahin sa major requirements sa pagpang-apply og trabaho ang drug test results.
Dinhi sa rehiyon, gibutyag ni Philippine Drug Enforcement Agency (PDEA-XI) Regional Director Tony Rivera nga dugay na nilang gipatuman ang random drug testing sa mga kumpanya nga nakabase sa rehiyon.
Sumala ni Rivera, nakatabang sa pagkunhod sa supply sa droga dinhi ang random drug testing gani nagresulta usab kini sa pagkasikop sa mga trabahante nga nagdula sa iligal nga droga.
Gipasabot sa opisyal sa Sentro nga obligado ang mga kumpanya sa pagsunod sa balaud ug programa sa gobyerno diin mapasalamaton ang maong opisyal tungod sa kooperasyon sa mga kumpanya ngadto kanila.
Mientras hangyo usab ni Rivera nga tubagon sa gobyerno ang gasto sa drug test kung ugaling himoon man kini nga mandatory kun pogoso.
RadyoMaN Joel Viray
