Opisana gilungkab kapin 40 mil nahanaw

Pagadian City, Zamboanga del Sur – Nagpalaban sa buhatan sa kapulisan ang usa ka Anthony Kestrel Medija 23 anyos,Coordinator /Supervisor sa Air 21 Pagadian Branch og matud pa niini nga giransak sa wala maila nga suspek ang gi-abangan nga panimalay sa Air 21 dihang dapita sa Jamisola Street,Santa Lucia District, Pagadian City kaniadtong nakalabay nga adlaw.
Dali gilayong miresponde ang mga elemento sa kapulisan sa dapit nahataboan alang sa paghimo og inspection og ilang nasuta nga nadala sa suspek ang kwarta nga mobalor kini sa 41,342.00 nga gibutang sa usa ka cartoon Box.
Sa imbestigasyon nga gipahigayon nasayran nga sa may alas 7 sa buntag kaniadtong nakalabay nga adlaw nadiskubrehan ni Anthony Kestrel Medija ug Junrey Pitogo, pulos emplayado sa nasangpit nga establisyemento nga naguba ang padlock sa kwarto sa nasangpit nga panimalay og gitouhan nga mi-agi ang suspek sa likod nga pultahan sa nasangpit nga panimalay.
Sa pagkakaron padayon nga nagpahigayon og imbistigasyon ang kapulisan alang sa pag ila sa suspek.

Facebook Comments