Mokabat sa 5 milyones pesos ang gibana-bana nga danyos sa sunog nga miulbo sa Department of Educaton (DEPED) Agusan del Norte Division bandang alas 5 kapin kon kulang kagahapon. Daling gilamoy sa kalayo ang buhatan diin miabot sa ika-upat nga alarma ang sunog. Padayun pa’ng giimbistigahan sa Bureau of Fire Protection (BFP) Butuan kung unsay hinungdan sa sunog, apan sa pahayag ni SG Henry Laga, security guard sa DEPED nga adunay nabati siya’ng nibutu sa likod nga bahin sa opisina. Sa pagkakita sa kalayo nga niulbo, dali kining mitawag sa mga bombero apan dali kaayu’ng mikuyanap ang kalayo ug milamoy sa kinatibuk-ang gambalay sa DEPED. Gikatahung sa buhatan sa Bids and Awards Committee (BAC) nagsugod ang kalayo. Swerti nalang nga wala maapil ang kasikbit nga opisina sa rehiyonal nga buhatan sa DEPED ug buhatan sa ANTRECO gumikan sa fire wall. Bandang alas 6 ang takna sa gabie, gideklarang fire under control na ang sitwasyon. Pila ka minuto lamang ang nilabay gikan sa iyang pagbiya sa buhatan nasayran na dayun niyang nasunog ang opisina. Kini ang gibutyag ni Supt. Arsenio Cornites, sa interview sa RMN DXBC Butuan. Lakip sa mga naugdaw ang mga instructional materials ug ubang gamit sa pagtudlo nga bag-o pa niabot gikan sa DEPED central office. Aron dili maparalisa ang operasyon sa DEPED Agusan del Norte nangita sila karon ug bakanting lawak sa mga tulunghaan aron himoong temporaryong opisina sa DEPED provincial office. Sent from my Samsung Galaxy smartphone.
